21 të vdekur nga të nxehtit në Marok
Njëzet e një vdekje u raportuan në Qendrën Spitalore Rajonale Beni Mellal në Marokun qendror për shkak të valës së të nxehtit, njoftoi Ministria e Shëndetësisë e këtij vendi afrikan, sipas së cilës 17 prej tyre ishin pacientë që po trajtoheshin në spital.
Ministria vuri në dukje se shumica e atyre që humbën jetën ishin të moshuar dhe pacientë që vuanin nga sëmundje kronike. Rritja e ndjeshme e temperaturave thuhet se përkeqësoi gjendjen e tyre shëndetësore, duke çuar përfundimisht në vdekjen e tyre.
Të dielën, Drejtoria Meteorologjike e Marokut lëshoi një paralajmërim për qytetarët, duke parashikuar se temperaturat mund të arrijnë deri në 46 gradë Celsius deri të mërkurën dhe u bëri thirrje banorëve që të tregohen të kujdesshëm.
Maroku është përballur me temperaturat gjithnjë e më të larta të verës vitet e fundit. Këto temperatura në rritje kanë çuar gjithashtu në një rritje të zjarreve në pyje, duke paraqitur sfida shtesë për vendin. /AA
