Ekspertët vlerësojnë se më shumë se 47 mijë njerëz vdiqën si pasojë e temperaturave të larta në Evropë në vitin 2023, viti më i nxehtë në histori.

Numri u raportua në një studim modelimi të botuar në revistën Natural Medicine të hënën. Megjithatë, një grup kërkimor ndërkombëtar i udhëhequr nga Instituti i Barcelonës për Shëndetin Global gjithashtu arriti në përfundimin se shoqëria është përshtatur me temperaturat e larta.

Ekipi përdori të dhënat e Eurostat për 96 milionë vdekje për të vlerësuar se sa prej tyre ishin të lidhura me nxehtësinë në vitin 2023 në 823 rajone të 35 vendeve evropiane.

Sipas vlerësimeve, vitin e kaluar 47.690 vdekje në Evropë ishin të lidhura me temperaturat e larta. Kjo është shkalla e dytë më e lartë e vdekjeve që nga fillimi i matjeve të tilla në vitin 2015, me shkallën më të lartë të regjistruar në vitin 2022.

Studiuesit zbuluan se vendet në Evropën Jugore kishin shkallën më të lartë të vdekjeve të lidhura me nxehtësinë. Greqia (393 vdekje për milion banorë), Bullgaria (229), Italia (209) dhe Spanja (175) zunë katër vendet e para në vlerësim. Për krahasim, shkalla në Gjermani ishte 76 vdekje për milion banorë në vitin 2023.

Në shifra konkrete, grupi hulumtues vlerëson se në vitin 2023 numri i vdekjeve të lidhura me nxehtësinë në Itali ishte pak më pak se 12.750, dhe në Gjermani 6.376 pothuajse në të gjitha vendet e studiuara, dukshëm më shumë gra vdiqën nga efektet e të nxehtit sesa burrat dhe veçanërisht të moshuarit u prekën.