Federata e Karatesë e Kosovës ka organizuar një stërvitje të përbashkët me kategoritë kadetë dhe juniorë, në kuadër të përgatitjeve për pjesëmarrjen në Kampionatin Mesdhetar të Karatesë.

Stërvitja është mbajtur me ftesë të selektorit të FKK-së për kadetë dhe juniorë, Leutrim Pepaj, ndërsa në të morën pjesë garuesit e këtyre kategorive që po përgatiten për garën ndërkombëtare që do të zhvillohet nga 17 deri më 22 qershor 2026 në Aleksandri të Egjiptit.

Në stërvitje ishin të pranishëm edhe sekretari i përgjithshëm i Federatës së Karatesë së Kosovës, Nazmi Gashi, si dhe trajneri i Përfaqësueses së Kosovës për kadetë dhe juniorë, Irfan Sfeqla. Federata ka njoftuar se stërvitjet do të vazhdojnë edhe të enjten nga ora 18:00, po në shkollën “Prishtina High School” në Matiqan.