Zëvendëskryeministrit të Kosovës, Besnik Bislimi, i është pamundësuar vizita në Beograd. Rreth 100 kilometra para mbërritjes, Bislimi është detyruar të kthehet për në Kosovë. Bëhet e ditur se ai është kthyer prapa “për shkaqe sigurie”.

Zëvendëskryeministri Bislimi do të merrte pjesë në një Forum për tema që kanë të bëjnë me të dyja shtetet.

“Kemi kaluar kufirin. Jemi afruar deri te Beogradi. Aty na ka dalë një veturë tjetër e policisë, na ka ndalë dhe na thanë se për arsye të sigurisë s’mund të bëhet”, është shprehur Bislimi në një deklaratë të shkurtë për media.

Bislimi ishte paraparë të merrte pjesë në Konferencën e Forumit për Marrëdhënie Etnike, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”. Diskutimi ishte paraparë të niste në orën 17:00.

Ishte paraparë që Bislimi të mbante ligjëratë sonte.