Një studim i ri ka paralajmëruar se vdekjet nga nxehtësia ekstreme në Evropë parashikohet të rriten ndjeshëm në dekadat e ardhshme, duke shtuar potencialisht 55,000 vdekje në vit deri në vitin 2100, nëse nuk ndërmerren veprime të rëndësishme për të luftuar ndryshimet klimatike.

Kjo rritje do të shënonte një rritje prej 13.5% të vdekjeve të lidhura me temperaturën, një kontrast i fortë me një ngadalësim të parashikuar të vdekjeve të lidhura me të ftohtin, tregoi studimi i publikuar në revistën ‘The Lancet Public Health’ të enjten.

Ndërmjet viteve 1991 dhe 2020, mesatarisht 364,000 vdekje në vit i atribuoheshin të ftohtit, ndërsa nxehtësia shkaktoi 44,000 vdekje.

Vdekjet nga të ftohtit kanë qenë historikisht më të larta në Evropën Lindore, ndërsa Evropa Jugore përjeton më shumë vdekje nga nxehtësia ekstreme.

Studimi theksoi se Evropa Jugore dhe rajonet me popullsi në plakje do të jenë më të prekshmet ndaj frekuencës në rritje të valëve vdekjeprurëse të të nxehtit. (AA)