Një person ka mbetur i lënduar mbrëmjen e sotme në Fushë Kosovë. Zëdhënësja e Policisë për rajonin e Prishtinës, Flora Ahmeti, ka deklaruar për KosovaPress se sonte kanë pranuar informatën për një lëndim trupor të ndodhur në rrugën “Nëna Terezë”.

Sipas të dhënave fillestare, dyshohet se viktima është lënduar nga një mjet i mprehtë dhe është dërguar për trajtim mjekësor. Policia ka dalë në vendin e ngjarjes dhe ka nisur hetimet për të sqaruar rrethanat e këtij rasti.

“Sot, rreth orës  20 :00, kemi marrë informatën për një  lëndim trupor të ndodhur në rrugën " Nëna Terezë"në Fushë Kosovë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një persona i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, tha ajo për KosovaPress.

Autoritetet nuk kanë dhënë detaje shtesë, ndërsa hetimet janë në vazhdim.

/Kosovapress/