Tahiri: Qeveria Kurti ka frikë për hetimin e kontratave njëburimore
Lajme
Lexohet për: 1 min.
4 javë më parë
Linku u kopjua
Shefi i Grupit Parlamentar të Aleancës për Ardhmërinë e Kosovës, Besnik Tahiri tha se ka frikë serioze nga qeveria për hetimin e kontratave njëburimore. Sipas tij, kjo është afera më e madhe korruptive të kësaj qeverie.
Shefi i Grupit Parlamentar të Aleancës për Ardhmërinë e Kosovës, Besnik Tahiri tha se kontratat njëburimore janë përdorur në kundërshtim me ligjin nga Qeveria Kurti.
"Ka një frikë serioze të kësaj qeverie në raport me hetimin e tenderëve njëburimor, që shuma e tyre vjen në 209 milionë euro. Kjo qeveri ka kontraktuar 781 tenderë njëburimorë të cilat pa asnjë dyshim janë burim i korrupsionit dhe burim i keqpërdorimit dhe mbi të gjitha e ngulfat konkurrueshmërinë e sektorit privat në këtë temë", tha ai.
Në seancë të jashtëzakonshme ku po debatohet për kontratat njëburimore, Tahiri pyeti se pse duhet të frikësohet një ministri që të vërtetohet se a janë përmbushur kushtet dhe kriteret e para përcaktuara me legjislacion.