Finalja e madhe e Madridit rezervon një përballje titanësh mes numrit një të botës, Jannik Sinner, dhe gjermanit Alexander Zverev.

Ndeshja mes Jannik Sinner dhe Alexander Zverev, do të luhet në orën 17:00.

Sinner po ndjek një rekord historik, duke synuar të bëhet lojtari i parë që fiton pesë tituj Masters radhazi. Italiani vjen në këtë finale me një seri mbresëlënëse prej 22 fitoresh radhazi në tur dhe 27 fitoresh radhazi në nivelin Masters. Gjatë rrugës për në finale, ai mposhti lojtarë si Fils dhe Norrie, duke mos humbur asnjë set që nga raundi i dytë. Për Sinner, ky titull do të ishte i dyti radhazi në sezonin e dheut pas triumfit në Monte Carlo.

Nga ana tjetër, Alexander Zverev kërkon të thyejë "mallkimin" kundër rivalit të tij italian, ndaj të cilit ka humbur tetë takimet e fundit radhazi. Megjithëse Sinner udhëheq përballjet direkte 9-4, Zverev ka avantazhin e të luajturit në një ambient ku ka triumfuar dy herë më parë (2018 dhe 2021).

Gjermani i dha fund një serie prej gjashtë humbjesh radhazi në gjysmëfinale duke mposhtur Alexander Blockx për të siguruar këtë finale. Për Zverev, kjo është finalja e tij e 13-të Masters në karrierë, ku mban një rekord prej 7 fitoresh dhe 5 humbjesh.

KosovaPress