Shtetet e Perëndimit po ndjekin me vëmendje zhvillimet në Rusi
Lexohet për: 1 min.
1 vit më parë
Linku u kopjua
Zyrtarët e NATO-s, Gjermanisë, Britanisë së Madhe, Francës, Italisë kanë deklaruar sot se janë duke e monitoruar situatën në Rusi.
Disa u kanë bërë thirrje shtetasve të tyre shmangien e udhëtimit në qytetin e Rusisë, Rostov-on-Don.
Ndërsa, Yevgeny Prigozhin përmes një mesazhi të publikuar në mëngjesin e së shtunës ka thënë se pjesëtarët e grupit të tij mercenar Wagner, janë “të gatshëm të vdesin” në aksionin e tij kundër ushtrisë ruse.
Ndërkaq, presidenti i Rusisë, Vladimir Putin është zotuar se do t’i ndëshkojë kryengritësit, pasi grupi mercenar Wagner, ka thënë se do ta rrëzojë udhëheqësinë e ushtrisë ruse.
Ai ka kërkuar konsolidimin e të gjitha forcave dhe ka thënë se veprimet kanë qenë tradhti dhe “një thikë në shpinë ndaj popullit rus”, pas deklaratave të fundit të shefit të Wagnerit Yevgeny Prigozhin.
