Pas ngjarjes së djeshme në punishten ndërtimore në rrugën “Don Shtjefën Kurti” në Prishtinë, kryetari i Komunës së Prishtinës, Përparim Rama, ka ndërmarrë masa të menjëhershme ndaj zyrtarëve përgjegjës komunalë.

Sipas njoftimit zyrtar, janë pezulluar nga puna dy inspektorët e zonës ku ka ndodhur rasti, si dhe zyrtari përgjegjës për lëndën.

Në reagim theksohet se punishtet ndërtimore duhet t’i nënshtrohen inspektimeve të rrepta dhe të vazhdueshme nga Inspektorati komunal, me qëllim garantimin e sigurisë së punëtorëve dhe qytetarëve, si dhe respektimin e standardeve sipas projekteve të miratuara.

Sipas njoftimit tw komunws, çdo neglizhencë në këtë drejtim është e papranueshme, ndërsa përveç procedurave disiplinore që do të zhvillohen nga Komisioni Disiplinor i Kryeqytetit, institucionet komunale janë shprehur të gatshme për bashkëpunim të plotë me Prokurorinë Themelore në Prishtinë, e cila tashmë ka nisur hetimet për rastin.

Po ashtu, është theksuar se edhe kompanitë private të ndërtimit duhet të mbajnë përgjegjësi të plotë për respektimin e standardeve të sigurisë dhe kushteve të punës, duke paralajmëruar masa të rënda ligjore ndaj çdo shkeljeje.

Rama merr masa të menjëhershme: Suspendohen përgjegjësit për rastin në “Don Shtjefën Kurti”

Pas incidentit në kantier, Komuna pezullon zyrtarët dhe paralajmëron masa të ashpra

Hetimet për shembjen në Prishtinë: Pezullohen inspektorët dhe zyrtari përgjegjës

Siguria në ndërtim në fokus: Masa disiplinore dhe paralajmërime për kompani private

/Kosovapress/