Seanca konstituive të mërkurën, Basha paralajmëron votimin e qeverisë
Lexohet për: 2 min.
Dëgjoje me zë...
Seanca konstituive të mërkurën, Basha paralajmëron votimin e qeverisë
10/02/2026 - 19:07
Linku u kopjua
Seanca konstituive e Kuvendit të Kosovës do të mbahet nesër nga ora 17:00, tha kryetari i Kuvendit, Dimal Basha.
Ai pas mbledhjes me përfaqësuesit e partive parlamentare tha se ndryshimi i orës së seancës konstituive ka ardhur me kërkesë të PDK-së, për shkak të procesit në Hagë ndaj ish krerëve të UCK-së ku mbrojtja do të paraqes fjalën përfundimtare.
Basha tha se pas konstituimit të Kuvendit, po të mërkurën do të votohet edhe qeveria e re.
“Mbledhja e seancës konstituive do të mbahet në ora 17;00 dhe pas saj të vazhdohet me votimin e qeverisë”, tha ai.
Krahas këtyre, Basha njoftoi se ka pasur konsensus që zgjedhja e pesë nënkryetarëve të nënkryetarëve të Kuvendit do të bëhet në pako.
“Pas të gjitha diskutimeve ka pasur një konsensus të plot të përfaqësuesve politik të komuniteteve jo shumicë që të shkohet në votim në pako. Pakoja e nënkryetarëve të votohet komplet bashkë. Ka pasur konsesnus për votimin e raportit për verifikim, kryetarit dhe pesë nënkryetarëve”, tha ai.
KQZ, ka certifikuar të hënën rezultatet e zgjedhjeve.
