Gjatë ditës së enjte një 23-vjeçare ka pësuar lëndime nga rrëzimi i kulmit të ndërtesës së Komunës së Prishtinës, e cila po vazhdon trajtimin në Mjekimin Intenziv Qendror (MIQ). Kurse, për gjendjen e saj, për KosovaPress ka folur shefi i MIQ-it, Shaqir Uka.

Ai ka deklaruar se vajza ka pësuar lëndime trupore në regjionin e kokës dhe se ajo i është nënshtruar ekzaminimeve laboratorike dhe radiologjike. Pas intervenimit kirurgjik, pacientja është dërguar në njësinë e mjekimit intensiv qendror ku po vazhdon trajtohet.

“Pacientja është sjellë dje rreth paradites në Qendrën Klinike Universitare, gjegjësisht në Qendrën Emergjente pas lëndimeve që ka pësuar në rastin e goditjes në regjionin e kokës pranë komunës së re. Pacientja pas nënshtrimit të ekzaminimeve laboratorike dhe radiologjike i është nënshtuar një intervenimi kirurgjik për arsyeje të gjakderdhjes që ka pasur në regjionin e kokës dhe intervenimi është kryer nga ana e mjekëve specialistë të neurokirurgjisë", tha Uka.

Uka u shpreh se si pasojë e lëndimeve, ajo ka pësuar gjakderdhje në indin trunor dhe trajtimin po e bën e fjetur me barna dhe e varur nga aparatura e frymëmarrjes.

I pyetur se nëse ajo është në rrezik për jetë, Uka u shpreh se lëndimet e saj janë serioze .

Lajmi i plotë në sistemin me parapagim...