Rreth 97% e ndërmarrjeve kanë përdorur internetin për qëllime pune në 2022
Agjencia e Statistikave të Kosovës (ASK) ka bërë të ditur, se gjatë vitit 2022, 99,2% të ndërmarrjeve kanë përdorur kompjuterin për qëllime pune, ndërsa ndërmarrjet që kanë përdorur internetin për qëllime pune ishin 97.1%.
Nga ndërmarrjet e anketuara, 40,0% e tyre kanë ueb faqe të ndërmarrjes. Prej tyre: 55.5% e ndërmarrjeve që merren me furnizim me ujë, kanalizim, menaxhim mbeturinash dhe aktivitete rivitalizimi të tokës dhe 46,0% e ndërmarrjeve që merren me akomodim dhe aktivitete të shërbimeve me ushqim.
Përdorimi i mediave sociale në ndërmarrje
Nga ndërmarrjet e anketuara, 76,1 % e tyre i përdorin mediat sociale. Përqindje më të madhe kanë aktivitetet administrative dhe mbështetëse (80,6%); dhe kategoria me 250+ të punësuar (76,5%).
Raporti i Progresit për Kosovën 2023 ka vlerësuar mirë ASK-në - KosovaPress
Shkalla e përdorimit të mediave sociale në ndërmarrje sipas madhësisë dhe aktivitetit ekonomik në (%)
Ndërmarrjet që merren me tregti elektronike
Nga ndërmarrjet e anketuara, 4,8% e tyre kanë realizuar shitje përmes ueb faqes, ose përmes ndonjë aplikacioni tjetër përmes kompjuterit.
Sipas aktivitetit ekonomik, ndërmarrjet me aktivitete të furnizimit me energji elektrike, gaz avull dhe furnizimi me ajër të kondicionuar përfaqësojnë 20,0%, ndërsa, sipas madhësisë së ndërmarrjes, kategoria me 50 deri 249 të punësuar përfaqëson 5,6%.
ASK-ja e goditur nga sanksionet e BE-së në projektin për regjistrimin e popullsisë - KosovaPress
Shkalla e shitjeve përmes ueb faqes në ndërmarrje sipas madhësisë dhe aktivitetit ekonomik në (%)
Nga ndërmarrjet e anketuara, 2,7% e tyre kanë realizuar blerje përmes ueb faqes ose përmes ndonjë aplikacioni tjetër përmes kompjuterit. Sipas aktivitetit ekonomik, blerje ka kryer transporti dhe ruajtja (4,7%). Ndërsa, sipas madhësisë së ndërmarrjeve, kategoria me 250+ të punësuar që ka realizuar blerje përfaqëson 8,8%.
Shkalla e blerjeve përmes ueb faqes në ndërmarrje sipas madhësisë dhe aktivitetit ekonomik në (%)
ASK: Bie numri i përfituesve nga skema e ndihmës sociale - KosovaPress
