Kryetari i Skenderajt, Sami Lushtaku, ka reaguar pas pretendimeve të VV-së se ai e ka grushtuar Hysni Mehanin e kësaj partie.

Lushtaku tha se pushteti i Albin Kurtit përmes mekanizmave të tij ka tentuar që ta sulmojë atë sot në Skenderaj.

“Pushteti i Albin Kurtit përmes mekanizmave të tij tentoi që sot të më sulmoj në Skenderaj. E kam një jetë në shërbim të vendit kurse etiketat si ‘Sami Serbia’ qytetarët nuk i tolerojnë më prandaj edhe reaguan”, shkroi Lushtaku, transmeton Kosovapress.

Ndërsa, VV-ja ka postuar një fotografi të Mehanit në të cilën shihet i gjakosur e me plagë në fytyrë, teksa në reagim tha se Mehani u sulmua me grushte e gotë në kokë.

/Kosovapress/