Kryeministri Edi Rama ka debatuar me gazetaren rumune, nga PRO TV, gjatë konferencës me gazetarët evropianë.

Gazetarja: Kemi dy projekte, të Ishullit të Sazanit dhe në bregdet

Rama: Nuk kemi dy projekte, kemi dy vend zhvillimi. Fjalët sot janë të rëndësishme, kemi dy vendndodhje.

Gazetarja: Në bregdet projekti është anuluar apo pezulluar?

Rama: Si dreqin flas e flas

Gazetarja: Po por ju thatë në fillim, kemi regjistrimin, që është anuluar.

Rama: Ju keni regjistrimin unë kam alzajmer. Po, jo?

Gazetarja: E thatë në fillim që është anuluar.

Rama: Nuk thashë asnjëherë që është anuluar asgjë, sepse nuk ka pasur kurrë një projekt për tu anuluar. Nuk është në rregull, vini këtu me kokën e mbushur me gënjeshtrat që ju kanë bllokuar trurin.

Gazetarja: Trurin e kam shumë në rregull.

Rama: Trurin e keni në rregull, por problem është sa është i hapur për faktet. Nuk është në rregull, nuk e pranoj. Më thoni diçka që nuk e kam thënë kurrë sepse keni ardhur e bindur që ka një projekt që është anuluar.

/Kosovapress/