Klubi gjerman Schalke e ka bërë zyrtare që do të ndërpresë kontratën me kompaninë ruse “Gazprom”, për shkak të tensioneve rreth situatës momentale mes Rusisë dhe Ukrainës.

Tensionet politike mes Ukrainës dhe Rusisë po vazhdojnë të rriten, ku forcat ushtarake ruse veçse kanë filluar pushtimin në disa provinca ukrainase me urdhër të Vladimir Putin, përcjell KosovaPress.

Dhe tani, Schalke e ka konfirmuar që do ta ndërrojë mbishkrimin e “Gazprom” në fanellë, ndërsa anëtari i bordit Matthias Warnig do të largohet nga posti i tij në klub.

“Me rastin e ndodhive të fundit, ngjarjeve dhe eskalimit të situatës gjatë ditëve të fundit, FC Schalke 04 ka vendosur që të largojë shkronjat e sponsorit kryesorë ‘Gazprom’ nga fanella”, shkruante në postimin e Schalkes.