Prokuroria kërkon paraburgim për tetë personat e arrestuar në aksionin e regjionit të Mitrovicës
Lajme
Lexohet për: 2 min.
prokuroriaa
21 orë më parë
Linku u kopjua

Prokuroria Themelore në Mitrovicë ka kërkuar nga Gjykata Themelore në Mitrovicë caktimin e paraburgimit për tetë persona të arrestuar me datë 19 mars, në aksionin e realizuar në gjithsej 21 lokacione në regjionin e Mitrovicës, raporton KosovaPress.

Sipas njoftimit të prokurorisë gjatë këtij aksioni u sekuestruan 9 armë zjarri, 200 fishekë, municione të ndryshme, 15 telefona mobilë, 2 palë pranga, thikë, tyta të armës, fatrolla për armë dhe 1 DVR.

Për të pandehurit B.H., I.P., dhe O.B., sipas njoftimit të prokurorisë është paraqitur kërkesë për caktimin e paraburgimit për shkak të dyshimit se në bashkëkryerje kanë kryer veprat penale “Detyrimi” si dhe “Importi, eksporti, furnizimi, transportimi, prodhimi, këmbimi, ndërmjetësimi ose shitje e paautorizuar e armëve apo material plasëse.

Derisa për të pandehurit A.S.,  T.R., A.B., Sh.S., dhe N.R., është paraqitur kërkesë për caktimin e paraburgimit për shkak të dyshimit se kanë kryer veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitje e paautorizuar e armëve apo material plasëse”.

Seanca për caktimin e paraburgimit për tetë të akuzuarit do të mbahet ditën e sotme, datë 20 mars 2025.

Policia e Kosovës gjatë ditës së djeshme ka arrestuar 16 persona gjatë aksionit të zhvilluar në jug të Mitrovicës, veri, Leposaviq, Vushtrri dhe Skenderaj.

Lexo edhe:
https://kosovapress.com/arrestohen-16-persona-gjate-aksionit-policor/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025