Ministri i Mbrojtjes, Ejup Maqedonci, ka dhënë detaje lidhur me procesin e hapjes së një fabrike shtetërore për prodhimin e municionit si dhe laboratori për dizajnimin e fluturakeve pa pilot.

Ai tha se për hapjen e kësaj fabrike janë koordinuar me partnerët, derisa bëri të ditur se kanë pranuar një raport fizibiliteti nga Ministria e Mbrojtjes së Turqisë. Sipas tij, përmes prodhimit të municionit Kosova do forcojë industrinë ushtarake.

Krahas Turqisë, Maqedonci tha se janë në koordinim edhe me Shtetet e Bashkuara të Amerikës. Sipas tij fabrika e municionit nuk ndërhyn në planin e tranzicionit të FSK-së, derisa tha se në vijim do të shpalosen detaje rreth kalibrave të municioneve që mund të prodhohen në këtë fabrikë si dhe koston e saj.

Ai foli edhe për sulmin me dy granata dore ndaj stacionit policor në Zveçan, ku tha se këto janë sulme terroriste të grupeve paramilitare në veri.

Krahas këtyre, ai foli edhe për sigurimin e ushqimit të ushtarëve të FSK-së, ku tha se janë në fazën përfundimtare të rekrutimit të personelit në kuzhinat e FSK-së.

Lajmi i plotë në sistemin me parapagim.