Presidenti serb Aleksandar Vuçiq të enjten do të merr pjesë në mbledhjen e jashtëzakonshme të Qeverisë së Serbisë duke filluar nga ora 10.00, sipas mediave serbe. Po sipas këtyre mediave, në këtë mbledhje “do të shqyrtohet plani i veprimit, përkatësisht reagimi i shtetit ndaj situatës jashtëzakonisht të pafavorshme politike, e cila kulmoi me presionin e fundit ndaj Beogradit për Kosovën dhe Republikën Serbe.” Në mbledhje marrin pjesë edhe kryetarja e Kuvendit të Serbisë, Ana Brnabiq, ministra, njerëz kyç të sektorit të sigurisë, ushtrisë dhe policisë, si dhe drejtorë të kompanive publike serbe.