Në disa qytete të Bosnjë-Hercegovinës, ka pasoja katastrofike të përmbytjeve, që janë më të rëndat në Jabllanicë, e që rezultuan në të paktën pesë të vdekur, shkruan N1.

Reshjet e shiut në 24 orët e fundit në rajonin e komunave Jabllanicë, Konjiq, Kiseljak, Fojnicë dhe Kreshevë kanë shkaktuar vështirësi për banorët e këtyre komunave.

“Për shkak të vërshimeve të mëdha dhe rrëshqitjeve të dheut, një numër i madh i popullatës është në rrezik, me informacione se ka viktima si dhe një numër të madh të të lënduarve dhe personave të zhdukur”, bën të ditur Administrata Federale e Mbrojtjes Civile në Bosnje e Hercegovinë.