Nicole Miller, përfaqësuese e zyrës për media të EULEX-it në Kosovë, ka vizituar të hënën Qendrën Mësimore në Lagjen e romëve në Mitrovicë, për t’u njohur nga afër me punën dhe aktivitetet e fëmijëve në këtë Qendër.

Miller tha se qëllimi i vizitës është pjesë e një programi informues shkollor që zyra e BE-së në Kosovë e ka organizuar në kuadër të shënimit të Ditës së Evropës, ditë që përkujtohet më 9 maj.

Ajo tha se kjo ditë është mundësi për reflektim se çfarë janë vlerat e BE-së.

Ndërkaq, duke folur për rolin e EULEX-it, ajo tha misioni i tyre është për sundimin e ligjit, në mënyrë që të sigurohet që institucionet e sigurisë të zbatojnë shtetin e së drejtës.

Ajo shtoi se sundimi i ligjit është ajo që na shtyn të jemi qytetarë të mirë, të ndershëm dhe të drejtë.

Ndërkaq, Bekim Syla, drejtor i organizatës RADC e cila menaxhon Qendrën Mësimore në Lagjen e romëve në Mitrovicë, duke bërë të ditur se mbështetja e BE-së nuk ka munguar asnjëherë, tha se në këtë Qendër janë rreth 140 fëmijë të moshave të ndryshme të cilët marrin ndihmë përmes aktiviteteve të ndryshme.

Lajmi i plotë në sistemin me parapagim...