Shefja e grupit parlamentar, Arbërie Nagavci, u distancua nga diskutimi i deputetit të Lëvizjes Vetëvendosje, Fatos Geci, i cili “uroi” burgim të përjetshëm për Hashim Thaçi, në seancën e Kuvendit të Kosovës, të caktuar për t’u diskutuar për energjinë elektrike.

“Besoj janë të ditura qëndrimet e Grupit Parlamentar të Lëvizjes Vetëvendosje në lidhje me luftën çlirimtare të UÇK-së, janë publike, të qarta dhe qëndrojmë pas tyre. Lufta çlirimtare ka qenë e drejtë, e pastër dhe ne respektojmë përpjekjet e të gjithë të rënëve për liri, të gjithë atyre që kanë kontribuar për lirinë e vendit”, tha Nagavci.