Qendra Kosovare për Studime të Sigurisë (QKSS) në bashkëpunim me zyrën Konrad Adenauer Stiftung (KAS) në Kosovë organizojnë konferencën me temën "Ndikimi i aktorëve të huaj në sigurinë kombëtare".  Konferenca do të paraqesë prezantimin e dy punimeve: njëri që shqyrton Kosovën në kontekstin e diskursit të politikës së jashtme ruse, dhe tjetri eksploron sigurinë kombëtare të Kosovës dhe integrimin evropian. (Hotel Sirius në Prishtinë, ora 09:00)

Kryetari i Prishtinës, Përparim Rama, së bashku me ekipin e drejtorisë për Shërbime Publike, marrin pjesë në aksionin për pastrimin e deponisë së mbeturinave në fshatin Bardhosh. (Pranë autostradës, afër “ERC TRADE”, ora 10:00)

Komisioni për të Drejtat dhe Interesat e Komuniteteve dhe Kthim shqyrton Projektligjin për ofruesin e shërbimeve të navigacionit ajror, me raport amandamente të Komisionit funksional për Mjedis, Ushqim, Bujqësi, Planifikim dhe Zhvillim. (Kuvendi i Kosovës, salla N302, ora 11:00)

Komisioni për Integrime Evropiane shqyrton Projektligjin për Gjykatën administrative. (Kuvendi i Kosovës, salla N303, ora 11:00)

Inaugurohet rrjeti i Ujësjellësit në Gjilan. (Gjilan, ora 12:10)

Komisioni për Administratë Publike, Pushtet Lokal, Media dhe Zhvillim Rajonal shqyrton Projektligjin mbi ndarjet buxhetore për Buxhetin e Republikës së Kosovës për vitin 2025. (Kuvendi i Kosovës, salla N302, ora 13:00)

Shënohet Dita Botërore e Përkujtimit të Viktimave në Aksidentet e Trafikut Rrugor. (Tempulli, ora 14:00)

Përurohet objekti i ri i Urgjencës në Podujevë. Merr pjesë kryeministri Albin Kurti e ministri i Shëndetësisë, Arben Vitia. (Tek rrethrrotullimi në hyrje të qytetit në Podujevë, ora 15:00)

Promovohet vepra poetike “Ndërrim kohësh”, i autorit Shyqeri Hyseni. (Galeria e Arteve në Ferizaj, ora 16:30)