Lufthansa pezullon fluturimet drejt Kievit • KosovaPress

Biznes

Intervista

Drejtori i Doganës tregon për këmbimet tregtare të Kosovës me Shqipërinë dhe Serbinë

Lajme

“Osmani e Kurti nuk e dinë kush janë, njëri nuk i beson BE-së dhe tjetri Amerikës”

Rajoni

Shënon rënie njohja e gjuhës angleze në botë, ja ku renditet Shqipëria

Lufthansa pezullon fluturimet drejt Kievit

Lexohet për: 2 min.

2 vite më parë

Linku u kopjua

Lufthansa, linja ajrore gjermane, deklaroi se do të pezullojë fluturimet drejt kryeqytetit të Ukrainës, Kiev, nga e hëna, mes frikës në rritje për një pushtim rus, sipas BBC.

Linja ajrore tha se do të ndalojë gjithashtu fluturimet për në Odesa, një port kyç në Detin e Zi.

“Siguria e pasagjerëve dhe anëtarëve të ekuipazhit është prioriteti ynë kryesor në çdo kohë”, tha Lufthansa.

Kryeministri Boris Johnson paralajmëroi sot se Rusia po planifikon “luftën më të madhe në Evropë që nga viti 1945”.

Javën e kaluar, edhe linja ajrore holandeze KLM tha se po pezullonte fluturimet për në Kiev.

Lufthansa tha se do të kryejë fluturime edhe sot përpara se pezullimet të hyjnë në fuqi të hënën.

Kjo mase pritet të qëndrojnë në vend deri në fund të shkurtit.

Linja ajrore zakonisht kryen 74 fluturime për në Ukrainë çdo javë nën flamurin e saj të Lufthansa-s ose kompanive të tjera që zotëron, të cilat përfshijnë Austrian Airlines, Eurowings dhe Swiss.

Lufthansa tha se do të vazhdojë të fluturojë për në Lviv, në Ukrainën Perëndimore.

Johnson i tha BBC-së se provat sugjerojnë se Rusia synon të nisë një pushtim që do të rrethojë Kievin.

Gjermania Fluturime Lufthansa Kiev

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.