Liverpooli me plot lëndime synon fitoren sot kundër Luton Town
Sonte me fillim nga ora 20:30 stadiumi “Anfield Road” do të jetë nikoqir i ndeshjes interesante mes Liverpoolit dhe Luton Town, e vlefshme kjo për xhiron e 26 të këtij sezoni.
Në xhiron e fundit të zhvilluar në kampionatin anglez, Liverpooli e mposhti 4:1 Brentfordin, kurse Luton pësoi humbje 2:1 nga Manchester United, raporton KosovaPress.
“Të Kuqtë” e Jurgen Klopp synojnë me çdo kusht fitoren sot, pavarësisht lëndimeve që e kanë kapluar skuadrën, që ta vazhdojnë garën për titullin e Premier Ligës.
Momentalisht, Liverpooli zë vendin e parë në tabelë në kuotën e 57 pikëve, krahas Lutonit që renditet i 18 me vetëm 20 pikë.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Liverpoolin nuk paraqiten Alexander-Arnold, Alisson, Bajcetic, Diogo Jota, Jones, Matip, Thiago, Szobszlai ndërsa në dyshim janë Nunez dhe Salah, kurse te Luton mungojnë Adebayo, Andersen, Brown, Lockyer, Nakamba dhe Hashioka.
Formacionet zyrtare i gjeni më poshtë.
Liverpool (4-3-3): Kelleher; Bradley, Konate, Van Dijk, Robertson; Gravenberch, Endo, Mac Allister; Diaz, Gakpo, Elliott
Luton Town (3-4-2-1): Kaminski; Bell, Osho, Mengi; Ogbene, Barkley, Lokonga, Doughty; Townsend, Chong; Morris
