Ligjërata për Gjykatën Speciale në shkollën “Xhevdet Doda”, jep detaje organizata
Dëgjoje me zë...
Ligjërata për Gjykatën Speciale në shkollën “Xhevdet Doda”, jep detaje organizata
Youth Initiative for Human Rights Kosovo (YIHR KS) ka sqaruar se sesioni informues i mbajtur në shkollën “Xhevdet Doda” është realizuar me lejen e institucionit arsimor dhe në kuadër të aktiviteteve të rregullta edukative që organizata zhvillon prej vitesh.
Sipas YIHR KS, sesione të tilla mbahen që nga viti 2018, me mbështetjen e Ambasadës së Zvicrës dhe në bashkëpunim me përfaqësues të Dhomave të Specializuara të Kosovës. Ato janë pjesë e programit për drejtësi tranzicionale dhe ballafaqim me të kaluarën.
Gjatë sesionit në fjalë, është prezantuar informacion bazik dhe publik mbi Dhomat e Specializuara të Kosovës, përfshirë mandatin dhe kompetencat e tyre si institucion i Republikës së Kosovës.
YIHR KS thekson se, për më shumë se 20 vjet nga themelimi, ka zhvilluar aktivitete të vazhdueshme të përqendruara në të drejtat e njeriut, ballafaqimin me të kaluarën dhe fuqizimin e të rinjve dhe të rejave në Kosovë.
Organizata bën të ditur se sesione të tilla informuese janë pjesë e misionit të saj afatgjatë për promovimin e drejtësisë tranzicionale dhe se do të vazhdojë angazhimin dhe aktivizmin në këtë fushë.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
