15-vjeçari, i cili u plagos brenda objektit të Qendrës për Punë Sociale, po trajtohet në Repartin e Ortopedisë. Kështu ka njoftuar shefi i Emergjencës ne Ferizaj, Sefedin Fazliu, i cili ka dhënë detaje për gjendjen e pacientit. Ai bëri të ditur se të njëjtit i është hequr plumbi në krahun e djathtë. Specialisti i emergjencës tha se pranimi i të miturit është bërë rreth orës 15:00.

"Pacienti ka qenë i lënduar në parakrahun e djathtë dhe pas radiografisë, e cila është bërë, është konstatuar se një plumb qëndron në parakrahun e djathtë dhe nga ana e ortopedit është larguar plumbi," tha ai. Për KosovaPress ai tregoi se shërbimi i emergjencës ka konstatuar vdekjen e Erona Cokli, 21-vjeçare. "Shërbimi i emergjencës ka konstatuar që pacientja është e vdekur dhe kanë njoftuar policinë dhe mjekësinë ligjore për ta tërhequr nga vendi i ngjarjes", tha ai.

Trupi i 21-vjeçares së vrarë nga Ferizaj në Qendrën për Punë Sociale, është dërguar në Institutin e Mjekësisë Ligjore. Ajo dyshohet se u vra nga ish-bashkëshorti i saj. Dorasi i njëjtë dyshohet se ka plagosur edhe 15-vjeçarin. /Sh.Pajaziti

Lajmi i plotë në sistemin me parapagim.