Bashkimi ka shënuar fitore tejet të rëndësishme në ndeshjen e parë gjysmëfinale të play-off-it, duke mposhtur Borën me rezultat të ngushtë 73-70 në një atmosferë të nxehtë në Prizren.

Ndeshja ishte dramatike deri në sekondat e fundit, ku përvoja e vendasve bëri diferencën kundrejt lojës luftarake të mysafirëve. Lojtari më meritor për këtë triumf të prizrenasve ishte padyshim Shanon Shorter, i cili shkëlqeu me 28 pikë, gjashtë kërcime dhe dy asistime, duke u treguar vendimtar në momentet kur skuadra kishte më së shumti nevojë për pikë.

Sfida e ardhshme zhvillohet të shtunën në Prishtinë.