Prokuroria Themelore në Gjilan ka informuar sot se në koordinim me Policinë e Kosovës ka ndaluar katër persona, të dyshuarit V.S., L.N., L.M. dhe A.A., pasi dyshohet se janë përfshirë në shitblerje të substancave narkotike.

Sipas prokurorisë, ekziston dyshimi i bazuar se në Gjilan të dyshuarit, në bashkëpunim dhe me qëllim të përfitimit material, kanë organizuar shitblerjen e substancave narkotike të llojit kokainë dhe heroinë.

https://kosovapress.com/admin/aktakuze-ndaj-nje-personi-per-blerje-posedim-dhe-shitje-te-narkotikeve/

Gjatë zbatimit të urdhër kontrollit në katër lokacione të ndryshme janë sekuestruar: 1,549.2 kg heroinë, 54.7 gr kokainë, 2.010 euro para të gatshme, një armë e shkurtë Zoroki dhe një karikator me 15 fishekë, një telefon mobil Samsung, tri peshore elektronike dhe një automjet i tipit BMW.

"Të dyshuarit, me urdhër të prokurorit gjenden nën masën e ndalimit 48 orësh, për shkak të dyshimit se kanë kryer veprat penale ‘’Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’’ dhe ‘’Mbajtja në pronësi, kontroll ose posedim të paautorizuar të armëve’’, të Kodit Penal të Republikës së Kosovës. Prokurori i rastit, brenda afatit ligjor ndaj të dyshuarve do të kërkojë masën për sigurimin e të pandehurve në procedurë penale.”, ka bërë të ditur Prokuroria Themelore në Gjilan./KosovaPress

https://kosovapress.com/admin/arrestohet-nje-person-per-armembajtje-pa-leje-dhe-posedim-te-narkotikeve/

https://kosovapress.com/admin/aktakuze-ndaj-nje-personi-per-blerje-dhe-shitje-te-paautorizuar-te-narkotikeve/