Bashkësia Islame e Kosovës ka njoftuar se manifestimi qendror për festën e Fitër Bajrami në Republikën e Kosovës do të mbahet në Xhamia e Madhe.

Sipas njofitmit të BIK, programi festiv nis në orën 05:03 me faljen e namazit të sabahut, pas së cilës do të mbahet një ligjëratë tematike kushtuar kësaj feste nga kryeimami i KBI-së në Ferizaj, Ibrahim Beqiri.

Namazi i Fitër Bajramit do të falet në orën 06:18 dhe do të prijë nga kryeimami i Bashkësia Islame e Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili pritet t’i drejtohet opinionit me mesazhin tradicional të kësaj feste.

Po ashtu, në ditën e parë të festës, më 20 mars 2026, kryesia e BIK-ut do të organizojë pritjen tradicionale të urimeve në selinë e saj, nga ora 09:00 deri në orën 12:00.

Në fund të njoftimit, Bashkësia Islame e Kosovës ua uron festën e Fitër Bajramit të gjithë besimtarëve, duke lutur që agjërimi, lutjet dhe ibadetet të jenë pranuar.

/Kosovapress/