Në nder të 28 nëntorit, Ditës së Flamurit të Shqipërisë, daljes së parë publike të Ushtrisë Çlirimtare të Kosovës (UÇK) dhe ditëlindjes së komandantit legjendar, Adem Jashari, qytetarë të shumtë, duke përfshirë edhe ata nga Shqipëria e Maqedonia por edhe vendet të tjera kanë vizituar varrezat e familjes Jashari në Prekaz.

Disa nga ta kanë ardhur për herë të parë në vendin ku ranë heroikisht 59 anëtarët e familjes Jashari, për çka shprehën emocion e krenari.

Zhaklina Ibrahimi tregoi se nuk e ka vizituar asnjëherë më parë Prekazin, për çka tha se data e 28 nëntorit është ndër me të rëndësishmet.

“Fatkeqësisht është hera e parë që kam ardhur dhe pata shumë emocione, duke filluar prej kullave", tha Ibrahimi.

Edhe Jakup Veseli bashkë me shokët e tij nga Maqedonia e Veriut tha se disa prej tyre po shkelin tokën e Prekazit për herë të parë.

Ai potencoi se kanë lexuar e parë dokumentar rreth sakrificës së Jasharajve, porse shtoi se është emocion i veçantë vizita fizikisht.

Se 28 nëntori është ditë e madhe për të gjithë shqiptarët e pohon qytetari Zafer Gashi.

Ai u shpreh se është detyrë e të gjithë qytetarëve të Kosovës që të përcillet porosia e komandantit Adem Jasharit dhe heronjve të kombit për ta quar përpara vendin.

Ndërkaq, Raif Halili tha se është e papërshkrueshme ndjenja që përcjell kjo datë.

Përveç tyre, krerë të qeverisë dhe partive opozitare kanë bërë homazhe në varrezat e Jasharajve.

Lajmi i plotë në sistemin me parapagim...