Kampionati i Superligës së Kosovës në basketboll, po hyn në fazën finale, ku rëndësi vendimtare, ka çdo ndeshje. Gjatë kësaj fundjave zhvillohet xhiroja e 24-të, dhe sot më 14 mars 2026, janë në program dy përballje shumë interesante.

Vëllaznimi e pret Golden Eagle Ylli, në palestrën “Shahi Nushi”, në Gjakovë, ndeshje kjo e cila zhvillohet me fillim nga ora 20:00. Vëllaznimi ka tetë fitore dhe 15 humbje, ndërsa Ylli 10 fitore dhe 13 humbje. Kjo ndeshje pritet të jetë shumë konkurruese dhe vendimtare për pozicionet e mesme të tabelës.

Sigal Prishtina luan si vendas kundër Rahovecit, në Pallatin e Rinisë dhe Sportit, në kryeqytet. Prishtina vjen me nëntë fitore dhe 14 humbje, ndërsa Rahoveci me shtatë fitore dhe 16 humbje. Të dy ekipet synojnë fitore për të ruajtur shanset e tyre për të përfunduar sezonin me rezultat të mire, ndeshja luhet nga ora 20:00.

Këto ndeshje premtojnë spektakël dhe tension në fushë, teksa secila pikë mund të bëjë diferencën në luftën për objektivat e sezonit.

KosovaPress

/Kosovapress/