Kontrata e Massimiliano Allegrit me Juventusin skadon më 30 qershor të vitit 2025, dy javë para fillimit të Kupës së Botës për klube, kështu që janë tre skenarë të mundshëm për “Zonjën e Vjetër” dhe trajnerin e saj, bën të ditur “La Gazzetta dello Sport”.

Juventusi është kualifikuar në Kupën e Botës FIFA 2025 për klube falë pikëve të fituara nga edicionet e mëparshme të Ligës së Kampionëve, raporton KosovaPress.

Megjithatë, siç theksoi “La Gazzetta dello Sport”, arritja ngre edhe më shumë pikëpyetje për të ardhmen e Allegrit në Torino. Kontrata e teknikut italian, në fakt, skadon më 30 qershor të vitit 2025, vetëm dy javë para fillimit të kompeticionit në SHBA.

Thuhet se Juventusi nuk do të takohet me Allegrin për të diskutuar një zgjatje të kontratës derisa të siguroj kualifikimin në Ligën e Kampionëve të sezonit të ardhshëm, por tre skenarë të mundshëm dalin përpara takimit të tyre.

Njëri do të shihte Allegrin të largohej, i dyti do ta shihte Allegrin të vazhdonte në klub, por me një pagë më të ulët, dhe i treti do të shihte Juventusin dhe trajnerin të qëndronin së bashku deri në fund të marrëveshjes së tyre aktuale.

Megjithatë, ky opsion përfundimtar duket më pak i mundshëm, duke qenë se Kupa e Botës për Klube do të fillojë menjëherë më pas.