Futbollisti brazilian Philippe Coutinho nuk është më pjesë e Vasco da Gama. Palët kanë arritur një marrëveshje për ndërprerjen e kontratës me konsensus të dyanshëm, duke i dhënë fund rikthimit të mesfushorit kreativ te klubi i fëmijërisë së tij.

Sipas mediave braziliane, vendimi lidhet me gjendjen mendore të lojtarit dhe presionin e madh nga ambienti, si dhe mungesën e vazhdimësisë në paraqitje. Coutinho ka vendosur të bëjë një pauzë reflektimi përpara se të marrë një vendim për hapin e radhës në karrierë.

Aktualisht, Philippe Coutinho është lojtar i lirë, ndërsa interesim për të është raportuar nga disa klube jashtë Europës, përfshirë edhe Major League Soccer në SHBA. Vendimi final për të ardhmen pritet në javët në vijim.

KosovaPress