Ka përfunduar ndeshja e kthimit e gjysmëfinales së Kupës së Kosovës mes Ballkanit dhe Suharekës, ku kampioni i Kosovës ka siguruar biletën drejt finales së kësaj gare.

Pas më shumë se 90’ minutave lojë të zhvilluara në stadiumin e qytetit në Suharekë, Ballkani ka barazuar 2:2 me Suharekën, raporton KosovaPress.

Golashënues te Ballkani ishin Gentrit Halili (minuta e 10’) dhe Nazmi Gripshi (minuta e 73’), kurse që të dy golat për Suharekën i shënoi Fitim Susuri (minuta e 81’ dhe 90+1’).

Ndeshja e parë që u zhvillua mes këtyre dy skuadrave përfundoi 1:0 në favor të Ballkanit, kështu që barazimi i sotëm nuk i mjafton Suharekës për ta çuar ndeshjen në vazhdime.

Ballkani e eliminon Suharekën nga Kupa e Kosovës me rezultat të përgjithshëm 3:2.