Policia në Pejë ka bërë një apel unik në lidhje me kujdesin që qytetarët duhet ta shfaqin gjatë këtyre ditëve me ngrica nëpër rrugë, trotuare e hapësira publike.

Thirrja e veçantë u është bërë pronarëve të autolarjeve që bëjnë pastrimin e veturave.

“Këto ngrica më pas paraqesin rrezik serioz për sigurinë e trafikut rrugorë duke shkaktuar aksidente dhe duke rrezikuar drejtpërdrejtë këmbësoret”, thuhet në apel.

E për ata që vazhdojnë të shkelin rregulla duke derdhur ujë në trotuare e rrugë publike, policia ka paralajmëruar se është e obliguar që në bashkëpunim me organet kompetente komunale, të ndërmarrë masa të shtuara kontrolli dhe të zbatojë masa ligjore.