Shumë nëna u bënë të lumtura dhe morën mësimet e para nga ajo, por dhe shumë fëmijë, shpeshherë edhe duke qarë, dëgjuan fjalët e para të saj. Ajo thotë për KosovaPress se nuk ka ndjenjë më të mirë për të se sa kur e di se po sjell në jetë një fëmijë, derisa ka edhe një mesazh për gratë shtatzëna.

Është kjo Qamile Zeqiraj, infermiere, e cila punon tash e 24 vjet në repartin paranatel.

Zeqiraj iu rekomandon grave shtatzëna që ta marrin shtatzëninë me pozitivitet, sepse lindja është një ndjenjë që nuk e përjetojnë shpesh në jetën e tyre.

Lajmi i plotë në sistemin me parapagim...

Në  Klinikën e Gjinekologjisë të Qendrës Klinike Universitare të Kosovës, janë kryer mbi 7 mijë mijë lindje gjatë vitit që lamë pas, prej të cilave, 2 mijë e 860 ishin lindje cezariane.

Meshkuj lindën më shumë sesa femra në 2023, por kishte edhe 217 lindje me binjakë dhe nëntë trigemini.

Po ashtu, janë përfunduar 110 aborte artificiale, me vetë dëshirë.

Drejtori i Klinikës Gjinekologjike, Zef Ndrejaj thotë për KosovaPress, se gjatë vitit që lamë pas, kanë qenë 7 mijë e 391 lindje, ku prej tyre 3 mijë e 871 meshkuj dhe 3 mijë e 751 femra.

Sipas tij, gjatë vitit 2023, janë përfunduar gjithsej 110 aborte artificiale, duke mos i futur ato aborte të cilat kryhen pas javës së dhjetë për shkaqe mjekësore.

E sa i përket kushteve në Klinikën Gjinekologjike, ai tregon se pritet të fillojë renovimi i klinikës me ndryshime të mëdha.

Përndryshe, në këtë klinikë thanë se nuk ka mungesë të aparaturave, por se presin të vijnë të reja./A.Shala/