Nicki Minaj kërkon falje pas arrestimit në Holandë
Magazina
Lexohet për: 3 min.
2 javë më parë
Linku u kopjua

Këngëtarja Nicki Minaj u kërkoi falje fansave në Mançester të dielën për shtyrjen e një shfaqjeje në Britani të Madhe pasi u ndalua nga autoritetet holandeze me akuzat për posedim të narkotikëve.

“Ju dua dhe më vjen shumë keq që ndodhi sonte”, tha Minaj në një video të postuar në rrjetet sociale.

Minaj më herët kishte zbuluar emrin e hotelit të saj në Mançester në një postim në X, dhe kishte ftuar fansat ta shihnin. "Unë po shkoj në ballkon, kështu që nëse jeni jashtë do të mund t'ju shoh dhe mund të zbres poshtë. Unë do të jem atje për rreth një orë," tha ajo.

Megjithëse Minaj u lirua nga paraburgimi nga policia të shtunën në mbrëmje, koncerti i caktuar për t'u mbajtur në Mançester në të njëjtën natë, nuk mundi të vazhdonte.

Në një deklaratë organizatorët e koncertit Live Nation dhe Co-op Live thanë se ishin "thellësisht të zhgënjyer" nga shqetësimi i shkaktuar.

Në një video të kapur në Instagram Live të artistes hip-hop – e cila më vonë u shpërnda në internet nga llogari të ndryshme të mediave sociale – Minaj dëgjohet duke folur me policinë në aeroportin Schiphol të Amsterdamit teksa mbante telefonin e saj me kamerë.

Minaj përmend "para që gjetën", dhe më pas shihet duke u nxjerrë nga automjeti i saj dhe i kërkohet të hipë në një furgon policie. Kur ajo e pyet pse i thanë të hipte në furgon, një zyrtar e informon atë se është "nën arrest", duke shtuar më vonë për "bartje droge". Minaj përgjigjet: "Unë nuk mbaj drogë."

Minaj kërkon vazhdimisht adresën e komisariatit dhe të ketë një avokat prezent gjatë gjithë klipit, ndërsa policia i kërkon të ndalojë xhirimet.

Në këtë video nga Instagram Live e Nicki Minaj, ajo nxirret nga automjeti i saj nga policia në aeroport.

CNN kontaktoi autoritetet e Amsterdamit me emrin e Minaj, Onika Tanya Maraj-Petty, policia ushtarake e Holandës, e njohur si Marechaussee Mbretërore e Holandës, tha se arrestoi një grua 41-vjeçare amerikane me "drogë të lehta" në Schiphol.

Më vonë të shtunën, Marechaussee Mbretërore e Holandës tha se gruaja e ndaluar në paraburgimin e tyre "me dyshimin për eksportimin e drogave të lehta është liruar".

Minaj aktualisht është në turneun "Pink Friday 2 World Tour" në mbështetje të albumit të saj të fundit. Minaj performoi në Amsterdam të enjten mbrëma, dhe do të performojë në Birmingham të dielën mbrëma. Një tjetër koncert është planifikuar në Mançester, për të enjten, më 30 maj.

25 vjet çlirim, a jeni të kënaqur me suksesin e Republikës së Kosovës ?
Po
Jo
Nuk e di
Voto
380
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024