Menaxhimi i suksesshëm, komuna e Shtimes përfiton grant në vlerë rreth 400 mijë euro
Lajme
Lexohet për: 1 min.
4 muaj më parë
Linku u kopjua

Kryetari i Shtimes Qemajl Aliu ka reaguar sot pasi komuna që ai drejton është përzgjedhur në mesin e 11 komunave përfituese të granteve të performancës komunale.

Shtimja, Rahoveci, Obiliqi, Skënderaj, Suhareka, Kaçaniku, Malisheva, Dragashi, Ranillugu, Parteshi dhe Peja kanë përfituar grant në vlerë prej 8.3 milionë eurosh.

Kryetari Aliu ka bërë të ditur se komuna e Shtimes ka përfituar rreth 400 mijë euro në formë granti, si rezultat i qeverisjes së suksesshme.

“Çmimi i sotëm dëshmoi edhe njëherë mirëqeverisjen, ligjshmërinë e llogaridhënien ndaj qytetarëve, transparencën e efektivitetin - parime mbi të cilat jemi zotuar të punojmë dhe që sigurt po e implementojmë. Ky model i menaxhimit të suksesshëm përkthehet në përfitim afro 400 mijë euro shtesë për qytetarët e Komunës sonë”, ka shkruar Aliu në Facebook.

Granti i performancës është vula e qeverisjes progresive, andaj Aliu thotë se ndihet i privilegjuar dhe mirënjohës që me bashkëpunëtorët dhe falë profesionalizmit të punëtorëve të administratës me në krye ekipin raportues komunal, kanë arritur këtë sukses të madh të përbashkët.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024