Meloni: BE-ja gaboi me fermerët, tani duhet të ndryshojë
Bota
Lexohet për: 2 min.
3 muaj më parë
Linku u kopjua

Bashkimi Evropian gaboi kur i detyroi fermerët të linin arat e tyre djerrë për një vit për të ulur emetimet që ndikojnë në klimë, për të lejuar importe të lira ukrainase dhe për të miratuar një sërë politikash që penalizojnë sektorin bujqësor, dhe tani BE-ja duhet të ndryshojë, tha kryeministrja Giorgia Meloni pas samitit të BE-së sot.

"Unë isha udhëheqësja politike e një partie (Vëllezërit e djathtë të Italisë) që votoi kundër shumicës së çështjeve të kritikuara tani nga fermerët në BE", tha ajo.

“Në Itali tashmë kemi bërë maksimumin, por politika evropiane duhet të ndryshohet, kam kërkuar përpjekje më të mëdha, por mund të vijë ndryshimi i linjës pas zgjedhjeve evropiane, duke shpresuar se do të mbizotërojë një qasje e ndryshme nga ajo ideologjike e parë deri tani”, tha ajo, duke iu referuar politikave që synojnë zbutjen e katastrofës klimatike.

Përfaqësuesit e shoqatave më të mëdha belge dhe evropiane të fermerëve do të takohen sot pasdite me presidenten e Komisionit Evropian, Ursula von der Leyen, kryeministrin belg Alexander De Croo, dhe kryeministrin holandez Mark Rutte në Bruksel, njoftoi Zyra e Presidencës belge të BE-së dhe Copa-Cogeca, shoqata e kooperativave bujqësore të BE-së.

Bisedimet vijnë pas një dite tensioni të lartë në Bruksel, ku më shumë se një mijë traktorë bllokuan rrugët e lagjes së Parlamentit Evropian, ndërsa samiti i jashtëzakonshëm i liderëve të BE-së mbi buxhetin e BE-së ishte në zhvillim e sipër.

Fermerët gjithashtu kanë ndaluar trafikun në Itali në një varg protestash kundër politikës së BE-së. /ANSA

A do te jetë qeveria e ardhshme VV-PDK?
Po
Jo
Nuk e di
Voto
37
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024