Ish-Ministrja e Punëve të Jashtme të Kosovës, Meliza Haradinaj, ka reaguar në lidhje me vizitën e presidentit të Azerbajxhanit në Serbi, Ilham Aliyev.

Në llogarinë e saj në platformën X, Haradinaj tha se të dy vendet, Serbia e Azerbajxhani kanë rritur marrëdhëniet e tyre ushtarake dhe politike që nga viti 2011, kur Azerbajxhani kishte rritur shpresat për të fituar kontrollin e rajonit të ndarë të NagornoKarabakh dhe Serbia në anën tjetër kishte filluar fushatën e saj ilegale për të ndalur njohjet e pavarësisë së Kosovës, të cilën edhe më tutje Azerbajxhani nuk e njeh.

Ajo tha se duke duke fuqizuar marrëdhëniet e tyre me Rusinë pas pushtimit të Ukrainës, këto dy vende po i shërbejnë Putinit duke krijuar një varësi politike, ekonomike dhe të sigurisë ndaj Rusisë, dhe rrjedhimisht duke ngadalësuar integrimin Euro-Atlantik të Ballkanit Perëndimor.

“Në ndërkohë, Serbia vazhdon të mbetet e pasanksionuar dhe anëtare e Partneritetit për Paqe të NAT0-s”, tha ish-shefja e diplomacisë kosovare.  

Do you know why is there a statue of former #Azerbaijani President #HeydarAliyev (former KGB) erected in #Belgrade #Serbia since 2011?!

Both countries worked rapidly & dynamically on improving political & military relations since 2011, when Azerbaijan raised hopes to regain… pic.twitter.com/ZetzBkUkhU

— Meliza Haradinaj (@MelizaHaradinaj) December 11, 2023