Akademikët kërkojnë trajtim adekuat të materialeve plastike
Lajme
Lexohet për: 3 min.
6 muaj më parë
Linku u kopjua

Akademia e Shkencave dhe e Arteve e Kosovës (ASHAK) ka mbajtur sot tryezën shkencore “Ndotja e mjedisit nga materialet plastike dhe substancat organike rezistente dhe metodat e trajtimit”.

Materialet plastike janë problem i mjedisit dhe se 14% prej tyre digjen dhe 14% riciklohen, ndërsa, në vit prodhohen rreth 367 milionë tonë materiale plastike. Kështu ka prezantuar rezultatin anëtari korrespodent i ASHAK-ut, Fetah Podvorica.

Podvorica tha se plastika është materiali i tretë në botë i cili prodhohet më së shumti, sipas tij arsyeja pse plastika përdoret kaq shumë është qëndrueshmëria e saj dhe pesha e lehtë e cila është material shumë i rëndësishëm për qytetarët.

Po ashtu, ai tha se zgjidhja e materialeve plastike duhet të ketë kombinim të metodave që nga trajtimi, derisa shtoi se djegia e materialeve plastike është mënyra më e lehtë, por jo edhe më e duhura.

Akademiku Ilirjan Malollari, nga Akademia e Shkencave e Shqipërisë tha se materialet farmaceutike janë të nevojshme për t’u përdorur, edhe pse në spitalet rajonale nuk ka mënyra të shkarkimit të tyre.

​Mikroplastika në disa pjesë të Mesdheut është rritur me 80% - KosovaPress

Po ashtu, anëtari korrespodent, Salih Gashi u shpreh se masat plastike prodhojnë mbeturina, pasi sipas tij nuk trajtohen në metoda adekuate.

Ndryshe, plastika është një material thelbësor që përdoret në të gjithë sektorët ekonomikë për shkak të shkathtësisë së saj. Për të përmbushur kërkesën gjithnjë në rritje për këto materiale, prodhimi global i plastikës është rritur në dekadat e fundit dhe në vitin 2021 arriti një kulm vjetor prej 390.7 milionë tonë metrikë. Si një rajon kryesor i prodhimit të plastikës, Evropa përbënte 15 për qind të prodhimit atë vit, me vetëm Kinën dhe Amerikën e Veriut që prodhonin më shumë.

Gjermania është prodhuesi dhe prodhuesi më i madh i plastikës në Evropë deri tani, duke llogaritur një të katërtën e kërkesës së rajonit për konvertues të plastikës. Në vitin 2020, prodhimi gjerman i produkteve plastike kishte një qarkullim prej 76.6 miliardë eurosh.

Më shumë mbeturina të trajtuara më 2022 sesa një vit më parë - KosovaPress

Segmenti i paketimit është industria më e madhe e përdorimit përfundimtar për plastikën në Evropë, me një pjesë tregu prej gati 40 për qind të kërkesës për materiale plastike. Prodhimi i mallrave të ambalazheve plastike në BE kishte një xhiro prej 54.8 miliardë euro në vitin 2020. /KosovaPress/

Lajmi i plotë në sistemin me parapagim.

Aliu: Disa qese të plastikës ndalohen e disa bëhen me pagesë - KosovaPress

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
2,005
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024