Emisari i Gjermanisë për Ballkanin Perëndimor, Manuel Sarrazin po qëndron sot për vizitë në Kosovë.

Para takimit me kryeministrin e Kosovës, Albin Kurtin, ai është takuar me komandantin e KFOR-it, Angelo Mikele Ristuccia për të diskutuar lidhur me zhvillimet e fundit në Kosovë.

“Në Kosovë për të vlerësuar situatën, duke folur me EULEX-in, KFOR-in, Qeverinë e Kosovës, serbët e Kosovës në Mitrovicë . Ne dënojmë vendimin e Kosovës për të detyruar hyrjen në ndërtesat komunale në veri dhe reagimet e dhunshme ndaj saj.”, ka shkruar Sarrazin në Twitter.

https://kosovapress.com/admin/situata-ne-veri-kurti-opsionet-tjetra-do-te-ishte-mospermbushje-e-obligimeve-kushtetuese/

Ai ka kërkuar vetëpërmbajtje dhe përkushtim nga Kosova dhe Serbia për çështjen e dialogut.

“Vetëpërmbajtje nga të gjitha palët dhe përkushtimi i plotë nga Kosova dhe Serbia për dialogun e udhëhequr nga Bashkimi Evropian dhe zbatimi i menjëhershëm i marrëveshjeve të arritura është e nevojshme. Mbështetje e plotë për Miroslav Lajcak në përpjekjet e tij.”, ka shkruar tutje ai.

https://kosovapress.com/admin/svecla-pergezoj-policine-per-profesionalizmin-ne-ballafaqimin-me-grupe-kriminale-ne-veri/

Emisari i Gjermanisë për Ballkanin Perëndimor, Manuel Sarrazin në orën 10:00 do të takohet me kryeministrin Albin Kurti./KosovaPress

https://kosovapress.com/admin/quint-i-autoritetet-e-kosoves-te-zmbrapsen-menjehere/

https://kosovapress.com/admin/kurti-komandantit-te-kfor-it-objektet-e-komunes-jane-prone-e-republikes/