As deputetët e Aleancës për Ardhmërinë e Kosovës nuk do të marrin pjesë në seancën për diskutimin për çështjen e presidentit.

Shefi i deputetëve të AAK-së, Besnik Tahiri tha se ata vazhdimisht janë neglizhuar nga Albin Kurti, prandaj nuk kanë asnjë aryseje për të marrë pjesë në këtë seancë.

“Diskutimet për zgjedhjen e presidentit kanë qenë një spektakël politik, një performancë publike me një qëllim të vetëm politik, për të ardhur në këtë situatë. Ne ende nuk kemi asnjë emër përveç emrave të cilat i ka propozuar VV dhe që janë zyrtarë të saj dhe nuk janë kandidat unifikues konsensual. AAK-ja nuk ka qenë e ftuar në këto diskutime, nuk marrim pjesë në një diskutim që prapë është një performancë publike. Do të flasin vetëmevete”, tha Tahiri.