Ushtruesja e detyrës së presidentit, njëherësh kryeparlamentarja Albulena Haxhiu dhe kryeministri i Kosovës, Albin Kurti kanë bërë homazhe dhe kanë vendosur kurora lulesh në varrezat e dëshmorëve dhe martirëve në fshatrat, Shtuticë, Vërboc, Gllobar dhe Baks, në 27-vjetorin e rënies së tyre.

Ai, me këtë rast, tha se gjaku i tyre është shndërruar në dritën e lirisë që e ndriçon rrugën përpara.

“Na e përkujton prej nga vijmë dhe në këtë mënyrë jemi të sigurt se ku shkojmë. Pas 27 vjetëve shumë kriminelë serbë po arrestohen ose po gjykohen në mungesë dhe ka përparime edhe sa i përket zbardhjes së fatit të të pagjeturve, të zhdukur me dhunë, por edhe sa i përket ndëshkimit të kriminelëve të Serbisë”, tha kryeministri, ndërsa shtoi se dëshmorët dhe martirët e kombit ne i përkujtojmë përherë dhe do t’i kujtojmë përgjithmonë”, ka thënë Kurti, sipas komunikatës së Zyrës së Kryeministrit.

/Kosovapress/