Deputeti i Lëvizjes Vetëvendosje, Adnan Rrustemi tha se nuk ka bazë për hetimin e kontratave, gjë të cilën po e kërkon opozita. Sipas tij, partitë opozitare po mundohen që me komisione hetimore të hedhin baltë mbi Qeverinë Kurti. Teksa përmendi shumat e kontratave një-burimore në komunat ku udhëheq opozita, Rrustemi u shpreh se këto parti po mbyllin sytë në institucionet ku qeverisin.

Në emër të Lëvizjes Vetëvendosje, Rrustemi shtoi se në komunat ku po udhëheq opozita ka kontrata një-burimore më shumë se në institucionet që po udhëheq pushteti.