Osmani: Marrëveshja me Serbinë krijon një momentum të ri për integrimin e Kosovës
Lajme
Lexohet për: 2 min.
1 vit më parë
Linku u kopjua
Presidentja e Kosovës, Vjosa Osmani, ka thënë se marrëveshja me Serbinë krijon një momentum të ri për integrimin ndërkombëtar të Kosovës.
Në një ligjëratë dhe bashkëbisedim të organizuar nga Akademia Diplomatike e Vjenës në Austri, Osmani tha se kanë marrë zotim të fortë të aleatëve ndërkombëtar për anëtarësim të Kosovës në organizata ndërkombëtare.
“Ne besojmë se kjo marrëveshje krijon një momentum të ri për integrimin ndërkombëtar të Kosovës. Nëse e shihini atë dhe e krahasoni me cilëndo marrëveshje që është arritur në procesin e dialogut, ku ka pasur të shumta të tilla, kjo marrëveshje është midis dy palëve kontraktuese, dy shteteve të barabarta. Në neni 1 thuhet se respektohet integriteti territorial, parimi i sovranitetit dhe parimet të tjera të cilat marrin trup në nenin 2 të Kartës së Kombeve të Bashkuara. Po ashtu neni 4 i marrëveshjes përcakton e zeza mbi të bardhë, ligjërisht të detyrueshme që Serbia nuk do të kundërshtojë anëtarësimin e Kosovës në asnjë organizatë ndërkombëtare”, tha ajo.
E para e shtetit, tha se marrëveshja me Serbinë tani është ligjërisht e obligueshme për palët.
“Tani kemi një momentum të ri për njohjen ndërkombëtare nëse flasim për shtete individuale dhe anëtarësimin e Kosovës
Megjithatë, ajo ngriti shqetësimin se Serbia mund të mos e zbatojë marrëveshjen.
Ajo përmendi nevojën e anëtarësimit të Kosovës në NATO dhe OKB për të rritur sigurinë në rajonin ballkanik dhe përmbylljen e kapitullit të mospajtimeve në rajon. Derisa nënvizoi anëtarësimin e shpejtë të Kosovës në Këshill të Evropës.
