Gati dy orë me vonesë ka filluar të mbahet sot vazhdimi i seancës plenare të Kuvendit të Kosovës për shkak të mungesës së kuorumit. Deputetët e partive opozitare kanë lëshuar sallën e Kuvendit të Kosovës.
Vazhdimi i seancës së Kuvendit të Kosovës ishte paraparë të nis në orën 10:00, mirëpo është vonuar për shkak të mungesës së kuorumit.
Për këtë kryetari i Kuvendit të Kosovës, Glauk Konjufca kërkoi që mos të caktohen mbledhjet e Komisioneve Parlamentare në ditën e enjte kur është në agjendë seanca e Kuvendit.
Kuvendi i Kosovës sot mban edhe një seancë prej orës 14:00 me pika të tjera të rendit të ditës, e një ndër to është votimi në lexim të dytë i Projektligjit për shëndetin riprodhues dhe fertilizim të asistuar mjekësor.
https://kosovapress.com/vonohen-deputetet-ne-seancen-e-kuvendit-konjufca-reagon-ndaj-mazhorances
