Me rekomandim të kryetarit të Kryesisë së Bashkësisë Islame të Kosovës, Myftiut Naim Tërnava, sot, në të gjitha xhamitë e Kosovës, një pjesë e hytbesë (mesazhit) të xhumasë iu kushtua situatës së sigurisë në vendin tonë, pas sulmit terrorist të fundit, që ndodhi në veriun e vendin më 29 nëntor, një ditë pas festës së flamurit tonë kombëtar.
Në këtë mesazh u bë thirrje që ne si besimtarë, në këtë kohë sfiduese për vendin, të jemi të kujdesshëm dhe vigjilentë për mënyrën se si ne komunikojmë me të tjerët, në çfarëdo mënyrë që e bëjmë një gjë të tillë.
Gjithashtu pjesë e mesazhit ishte edhe bashkimi i të gjithëve, në mënyrë që të angazhohemi me të gjitha kapacitetet tona për të parandaluar çdo kërcënim, që mund ta cenojë paqen dhe sigurinë e kombit dhe shtetit tonë. Aty u bë thirrje për bashkëpunim me institucionet tona, të cilat siç u tha në mesazh, janë themeluar me gjakun e bijve dhe bijave tanë ndër breza.
https://kosovapress.com/shperthim-i-fuqishem-ne-zubin-potok
https://kosovapress.com/sulmet-ne-banjske-dhe-ai-ne-iber-lepenc-me-te-fuqishmet-qe-nga-paslufta
