Kryeministri në detyrë, Albin Kurti, sërish ka refuzuar të flas për konsultimet për formimin e qeverisë së re, raporton KosovaPress, por sipas tij, ekzekutivi i ri do të udhëhiqet sërish nga ai dhe partia e tij – Lëvizja Vetëvendosje.
Lideri i Lëvizjes Vetëvendosje, e cila në koalicion me Guxo dhe Alternativa ka dalë e para në zgjedhjet e 9 shkurtit, përsëriti qëndrimin e tij se po presin certifikimin e rezultateve fillimisht, e më pastaj diskutimet për formimin e qeverisë së re, përcjellë KosovaPress.
Lidhur me këtë, Kurti u pyet të hënën pasi mori pjesë në aktivitetin e Agjencisë për Barazi Gjinore, në shënim të 8 marsit – Ditës Ndërkombëtarë të Gruas.
Lexo edhe: https://kosovapress.com/ky-eshte-rezultati-i-te-gjitha-votave-nga-zgjedhjet-ne-kosove
https://kosovapress.com/ska-vija-te-kuqe-keto-jane-skenaret-per-formimin-e-qeverise-se-re
Sipas rezultateve preliminare të publikuara në platformën elektronike të Komisionit Qendror të Zgjedhjeve, Lëvizja Vetëvendosje (LVV) ka dalë e para, e pasuar nga Partia Demokratike e Kosovës, pastaj Lidhja Demokratike të Kosovës, dhe e katërta sipas votave, është radhitur koalicioni AAK-Nisma.
